قال محمد فؤاد مرشح حزب المصري الديمقراطي الاجتماعي عن دائرة العمرانية والطالبية في أول تعليق له عقب ظهور مؤشرات فرز أصوات الناخبين ” رغم ان طول عمري مؤمن بالمنطق و الإصرار و المواجهة، النهاردة مش هقول حاجة و مش هشرح ملابسات و تفاصيل لأنها واضحة و باينة و مش محتاجة كلام كتير”.
وتابع ” عايز اشكر كل حد شاركني في حلمي و كل حد صدق فيه و على رأسهم فريق العمل المحترم و كل الشباب الجميل، عايز اشكر كل المحبين و الناس الي تعبت معايا و الناس الي اتضايقت او شافت غلاسة بسببي عايز أقولهم حقكم عليا كلكم”
وأوضح ” الكلام عن النتيجة و منطقيتها و إزاي و فين، أمر أعتقد محتاجين نتجاوزه لأن ساعات المنطق بيكون عطلان بشكل يصعب اصلا انك تتكلم فيه”، وتابع ” انا متشكر لكل حد قالي كلمة حلوة و شجعني و مسامح اي إساءة سمعتها، مش ندمان على الأقل اني حاولت بس يبدو إن القواعد إهتزت و ده بيصعب أي كلام. يمكن لما الوضع يختلف، حد تاني يحاول من جديد، أترككم على خير دايما”.
