قبل انطلاق ماراثون انتخابات مجلس النواب المقبلة، طالت عدد من الشائعات عضو مجلس النواب الحالي دينا عبدالعزيز نائبة حلوان في برلمان مصر 2015، والتي تود الترشح مرة أخرى لبرلمان 2020.
وفندت عبدالعزيز، عبر صفحتها على موقع التواصل الاجتماعي “فيس بوك”، هذه الشائعات، قائلة: “بالنسبة للاشاعات اللى بيروج ليها قلة معدومة الأخلاق والتربية.. الإشاعة الأولى: إني بتفق مع شركة امن علشان تأجر بودي جردات ينزلو يحموني!!! يحمونى من مين يا؟!! انا بنزل وسط اهلى وناسى وشباب الحمله اللى معايا متطوعين محدش بياخد جنيه مش اشكلكم خالص اصلا”.
وأضافت عبدالعزيز، “الاشاعة الثانية،هي قفل السكة فى وش الناس اللى ولعو فى العزبة البحرية!!! أولا الله يرحمهم ويجعل مثواهم الجنه، وأى حد عنده عقل هيعرف إن ده كلام فارغ أصلا مفيش بنى آدم ممكن يعمل كده والناس لما اتصلو تم مساعدتهم فعليا، واللى ناقص يتقال إن أنا اللى فجرت الأنبوبه”.
واستكملت: ” الاشاعة الثالثة هي إني سابت حلوان وعندي ڤله ب ٦٠مليون فى التجمع وقصر فى كوالالمبور واشتريت نص الهند والسند وبلاد العجايب!!، رغم انى مقيمه فى الشارع الغربى ومقرى فى نفس المكان وبنستقبل أهالى حلوان يوميا، فأحب اقولهم من فضلك قولى عناوين الڤلل وهات سندات الملكيه علشان والله ما هى راجعه”، مضيفة “وفي انتظار الاشاعات الجديدة”.
والنائبة دينا عبد العزيز محمد السيد نائبة حلوان في برلمان مصر 2015 وباحثة اقتصادية بوزارة التعاون الدولي، والتي تمثل دائرة حلوان والمعصرة بعد نجاحها كمستقل في معركة شرسة مع 7 مرشحين، وحصلت في الجولة الأولى على على 19 ألفًا و734 صوتًا، وتعد من أصغر نائبات مجلس النواب.
