“الرئيس السيسي” لـ القنوات الإعلامية المسيئة : انتوا بتخربوا في الشعوب وماتعرفوش ربنا

قال الرئيس عبدالفتاح السيسي ، صباح السبت، إن تطوير محور المحمودية في الإسكندرية، تسبب في حرية حركة كبيرة جدا، وتابع مشيرًا لصور المحور القديمة: الصورة الموجودة بتفكرنا بوضع المحمودية أو الترعة قبل التطوير، الناس كانوا رافضين التطوير، بما فيهم الناس اللى في سوق وكالة الحضرة، إحنا طمنّاهم إن هنعملكم سوق متطورة

وتابع خلال افتتاح عدد من المشروعات القومية: عاوز أقولكم في كل مشروعاتنا هتجدوا تشكيك وناس بتتكلم بشكل سلبي، هدف المشروعات المصلحة للكل، النهارده المحور بيدي حرية حركة كبيرة، ده المحور الرابع من محاور الإسكندرية، محمور المحمودية هيوصل للبحيرة

وأضاف الرئيس: القنوات المسيئة بيقولوا شوفوا المصريين بيهدوا جوامع ربنا، طب يارب تبقوا زينا في إنكم تعملوا حساب لربنا، انتوا بتخربوا في الشعوب، لكن إحنا بنبني ونعمر، كنا بنتعاير بفقرنا ويقولك شوف خيبتهم عاملة إزاي