وجه الرئيس عبدالفتاح السيسي، حديثه للإعلاميين، قائلا: أنا عاوز أقول للدكتور عاصم (وزير الإسكان) وللإعلاميين اللي بيتابعونا لو شفتوا مصر في العشرينات وشفتوا مصر في بداية الألفية الجديدة الفرق كبير بس مش إيجابي.. يا ترى إيه الفرق؟ وإيه اللي حصل؟.. مصر في العشرينات كانت أحلى إزاي.
وأضاف الرئيس : صرفنا على محافظة القاهرة 350 مليار جنيه خلال 6 سنين.. لو صرفناهم في العاصمة الإدارية هنبني 500 ألف وحدة سكنية بالمرافق.
وتابع “كان المفروض الإسكندرية لو بتشيل مليون أو مليون ونص تفضل كده على طول ومع الزيادة السكانية المفروض نعمل مدينة جديدة تستوعب الزيادات الجديدة”
وأضاف مُحذرًا: “مينفعش الدولة تغيب تاني لو مصر وقفت سنة يبقى بتغيب 100 سنة.. لازم أشوف الإصلاح قدامي أول بأول”
جاء ذلك خلال افتتاح الرئيس عبد الفتاح السيسي اليوم السبت، مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع بشاير الخير ٢ للإسكان، ومحطة معالجة الصرف الثلاثية ببرج العرب، ومشروع تطوير محور المحمودية
