هاجمت المرشحة على دائرة مدينة نصر ومصر الجديدة، سمر فرج فودة، منافسها في جولة الإعادة، عمرو السنباطي، وبقوة، وذلك في ظل المنافسة الشرسة على المقعد الانتخابي المتبقي لهذه الدائرة الساخنة.
وقالت “سمر”، عبر صفحتها على موقع التواصل الاجتماعي “فيس بوك”: “كده كتير بجد ومش هسكت .. اقسم بالله ما هسكت .. الإهانة من نفس الستات الغير خلوقين بالمرة اللي ميعرفوش يعني إيه احترام وتربية سليمة من مؤيدي الخلوق المحترم عمرو السنباطي زادت أوي أوي أوي وبشراسة وفظاعة منقطعة النظير”.
وتابعت: “أنا بعلن امام الجميع اني هقدم بلاغ للنائب العام ضد عمرو السنباطي وطلب خروجه من السباق الانتخابي لاستخدامة نفس الأساليب والممارسات والسيدات الفضليات اللي استخدمهم للوصول لكرسي رئيس مجلس إدارة نادي هليوبلس باستخدامهم مره ثانية ضدي للوصول لكرسي مجلس النواب وفيه شهود واثباتات”.
واستطردت: “مش عايزة الكرسي بس مش هسيبك يا عمرو .. انت قضيت على نفسك بنفسك وكنت فاكرني ست ضعيفه مكسورة الجناح.. لأ فوق انا لا انا ضعيفة ولا منكسرة انا اقوى منك بكتير مش باسمي و لا بحب الناس ليا لا بوجود ربنا سبحانه وتعالى معايا ولأني معنديش بطحة على راسي اخاف منها زي ناس كتير”.
وألمحت: “انا عندي شرف وتاج على رأسي .. وانت ملتزمتش تحذيري ليك بأن بلاش انا واني لو مسكتك مش هتاخد في ايدي ٥ دقايق ويمكن اقل قلت لك ركز في نفسك وابعد عني وسيبني في حالي وهنزله على العلن علشان كل الناس تسمعه وهنزل كل تشويه وتشهير حصل ضدي من صديقاتك حبيباتك الخلوقين يا خلوق”.
واختتمت سمر فودة: “لو مطلعتش بالقانون بره السباق الانتخابي انا هطلع منه .. لاني ميشرفنيش اكون متواجده معاك في تنافس لم تلتزم فيه اي شرف للخصومة”.
وتجرى جولة الإعادة على المقعد المتبقى من أصل 3 مقاعد مخصصة لهذه الدائرة يتنافس فيها كلا من: عمرو السنباطي مرشح مستقبل وطن ورئيس مجلس إدارة نادي هليوبوليس، وسمر فرج فودة مرشحة مستقلة ونجلة الكاتب الكبير الراحل فرج فودة.
