قال الدكتور مصطفى مدبولي، رئيس مجلس الوزراء، إن الدولة جادة في إنهاء ملف التصالح في مخالفات البناء وتقنين الأوضاع وفقا للقانون يوم 30 سبتمبر الجاري.
وأضاف مدبولي، خلال لقاء مع الإعلاميين والصحفيين، اليوم السبت، بحضور عدد من الوزراء، بمحافظة القليوبية: القانون هيخلص 30 سبتمبر، طيب هنفضل نمد تاني ونعيد نفس الكلام، لأ.. لازم نقفل هذه الصفحة.
وتابع رئيس الوزراء: لن نسمح بأن أي قيراط جديد من الأراضي الزراعية يتبني عليه تاني وإلا الموضوع لن ينتهي، وده اللي خلانا نقول إحنا مصرين نقفل الملف ده بأسرع وقت ممكن، يبقى الموضوع نزيف مستمر لن يتوقف، كل ما نمد سنة أو 2 أو 3 هنفضل في نفس الموضوع ونفس النزيف، هذه الوقفة الحاسمة من الدولة تأتي رغبة في حصرها على الحفاظ على الأراضي الزراعية اللي بتأكل 100 مليون مواطن مصري
