تتصاعد وتيرة الحديث عن المال السياسي مع اقتراب الانتخابات في أى دولة حول العالم، وبما إن مصر جزء من هذا العالم، فإن “حرب الفلوس” تدخل اللعب السياسي المصري وهو أمر معروف في أى انتخابات سواء كانت هذه الأموال توزع بشكل مباشر أو غير مباشر، وتقترب انتخابات مجلس الشيوخ مع تزايد وتيرة الحديث عن المال السياسي وتحكمه في العملية الانتخابية بصورة أو بأخري، وهو ما يثير العديد من التساؤلات في الشارع السياسي وبين المواطنين العاديين.
” تبيع ولادك بكام.. ده سؤال مهم جدا اليومين دول، شوف لو مضطر تبيع مستقبل عيالك حدد السعر المناسب، ٢٠٠ جنيه ينفع ولا ٤٠٠ جنيه طيب خليهم ١٠٠٠ جنيه”، بهذه الكلمات وضع خالد صلاح الدين زكي المالكي أمين تنظيم حزب المصريين الأحرار بالخليفة والمقطم والدرب الأحمر، يده على الجرح الذي يخاف الغالبية الساحقة من ممارسي العمل السياسي من الاقتراب منه.
وتابع خالد صلاح الدين: “الحسبة بسيطة والطريقة أبسط بس انت خليك جامد واطلب الثمن من غير تردد، عاوز تعرف ازاي روح انتخب قائمه مستقبل وطن واقبض ال ١٠٠٠ جنيه اللي بعت بيهم مستقبل عيالك وملكت مستقبل وطن رفاهيه اولادهم وركوبهم اغلي السيارات وسكنهم أفخم القصور”.
واستكمل حديثه عن المال السياسي في الانتخابات: “بس افتكر كويس انك هاتدفع ال ١٠٠٠ جنيه ديه مرة واحدة علشان ابنك يجيب جزمة وشنطة يروح بيهم المدرسة”.
وإدعي أن بعض المسئوين الحكوميين سيقومون بالضغط على الناخبين لاختيار أسماء من مرشحي حزب مستقبل، وبعد عملية التصويت ستتوجه إلى الشخص الذي سيقوم بالتأكد من اختيارك للأسماء المحددة مسبقًا لتحصل على المقابل المادي ألف جنيه.
وتعجب القيادي بحزب المصريين الأحرار من مبلغ الألف جنيه قائلا: “صوتك بألف جنيه، بس يا تري هايدفعلك ولا يهددك ويرهبك وبرضه يديك علي قفاك، خليك راجل ورد واستحمل ٥ سنين تدور علي نائب منهم يقدملك خدمة أو حتي تعرف بيته فين؟”.
وأضاف: “عندنا رئيس دولة شقيان وتعبان علشان يبني بلد من جديد بيبني جيل جديد عنده كرامة، بس عندنا برضه ناس بتحاربه وتشوه انجازاته وتخلي رعاع الجماعة الإرهابية في الفضائيات يقولوا ان الرئيس له حزب بيرهب الناس ويهددهم ويقول انه حزب الدولة، حزب أبو كرتونه وشنطة بطاطس، الله يكون في عونك يا ريس مشوارك طويل في تطهير البلد من سيطره رأس المال السياسي”.
وطالب خالد صلاح الدين الرئيس عبد الفتاح السيسي، بأن يحول أموال شراء الأصوات إلى صندوق تحيا مصر، قائلًا: “خد فلوسهم يا ريس صندوق تحيا مصر اولي بالفلوس اللي بتتدفع لكل حاتم من المسئولين، البلطجة المحمية من السجانين في الخليفه والمقطم والمدعومه بالفلوس الحرام انذار خطر يا ريس، انجدنا ياريس”.
